மனிதன் உறங்கட்டும் எழுவதற்கு நேரமுண்டு
மதவெறி விளையாட்டு மண்டைக்கு ஏறட்டும்
மொழிதனில் சித்து விளையாடி முடியட்டும்
மொத்தமாய் கடவுளை தம்மிடம் கொண்டனர்
வாய்மை யாதெனில் பொய்மையின் வார்த்தைகள்
வாசனை மலர்கள் காகிதப் பூக்களாய்
சொல்வது செய்வது வஞ்சகச் செயல்கள்
புவிதனில் கருமேகங்கள் குவிந்து இருண்டன
புத்தக ஏடுகள் சரித்திரம் படித்தன
பாதகம் செய்வதே சாதனை ஆனது
வேதனை மனதினில் வேறென்ன செய்வது
காலம் மாறுமா காட்சிகள் மாறுமா
கருமை மறைந்து வெளுக்குமா வான்வெளி
கேள்விகள் ஆயிரம் கேட்பது யாரிடம்
கருத்துகள் இல்லை:
கருத்துரையிடுக