கற்பனைக்கு எல்லையில்லை எங்கும் செல்லும்
கடல்மீது தோணிகளோட்டி காதலைப் பாடும்
நிலவுக்குள் நுழைந்து குளிரைத் தேடும்
நீலவானத்தை கம்பளமாய் மடித்து வைக்கும்
வேகமாய் புரவியேறி காற்றாய்ப் பறக்கும்
மேகமாய் மாறிநின்று மலையைத் தழுவும்
காட்டுக்குள் பறவைகளோடு விலங்குகளோடு விளையாடும்
காலையோ மாலையோ இரவோ நேரமில்லை
நதியில் நீந்தும் அருவியில் நனையும்
விதியை மதியை எதையும் பாடும்
சோதனை வேதனை நல்வினை தீவினை
வாதங்கள் வேதங்கள் கீதங்கள் நாதங்கள்
எதையும் தொட்டுப் பார்க்கும் தொடரும்
கவிதைகள் படைக்கும் காவியம் மலரும்
புலவர் கவிஞர் புரட்சியும் தோன்றும்
கருத்துகள் இல்லை:
கருத்துரையிடுக