சிவந்த இதழ்கள் வெளுத்தது கீழ்வானம் சிவந்தது
சிரிப்பின் சிதறல்கள் கொஞ்சலாய் செவிகளில் துளைத்தது
இரவின் நாடகம் இனிதாய் முடிந்து திரைவிழுந்தது
இனிய உறவின் தொடக்கம் இன்றுதான் ஆரம்பம்
மஞ்சத்தில் பூச்சிதறல் நிறைந்திருக்க நேற்றைய கனவிதுவோ
மஞ்சள்முகம் வெட்கத்தில் கண்ணிமைகள் படபடக்கும் காட்சியது
கசிந்துருகும் இதயத்து வெளிப்பாடு புன்முறுவல் இதழ்கள்
பசித்துப் புசித்த மான்களின் மருண்ட பார்வையது
சிருங்கார நாடகம் சிந்தனையில் உறைவதும் இயல்பன்றோ
சின்னஞ் சிறுசுகள் சிலநேரம் சிரித்து மகிழட்டும்
எட்டிப் போவோமா ஏனிந்த கள்ளப் பார்வை
ஒட்டி உறவாடும் பைங்கிளிகள் காதல் மயக்கத்தில்
தனித்திருக்க விட்டுவிட்டு தாமரைக் குளம் தேடிப்போவோம்
இனித்திருக்கும் நேரமதில் இளஞ்சோடி இன்பம் துய்க்கட்டும் !
கருத்துகள் இல்லை:
கருத்துரையிடுக