பொல்லாச் சிறுக்கி

 கருக்கலில் கண் விழித்தேனடி

காணவில்லை எங்கே போனாய்

உருக்கமாய் பாடலைப் பாடினாயே

உயிருக்குள் நுழைந்த காதலியே

படுக்கையிலே தேடி நின்றேன்

பாதியிலே எங்கே சென்றாய்

செவிக்கு உணவளிக்க யாருமில்லை

செந்தமிழில் தேன்சேர்த்துத் தந்துவிடு

அருகினில் இருந்தாலே ஆனந்தம்

அணைத்திட தோள்சாய வந்துவிடு

ஏனிந்த விளையாட்டு பெண்ணே

நானிங்கு தவிப்பதை ரசிப்பாயோ

பொல்லாச் சிறுக்கி நீயன்றோ

பொழுது சாய்வதற்குள் வந்துவிடு