கால மாற்றங்கள் வாழ்வின் சுழற்சி
கோலப் புள்ளியில் கோடுகள் வடிவம்போல்
கூடுகள் துறந்த பறவைகள் வான்வெளியில்
கூட்டமாய் பறந்து இடம் மாறுதல்போல்
மாற்றங்கள் மனிதனின் தினசரி நிகழ்வே
மாறிடும் சூழலும் சக்கர சுழற்சியே
மேடுகள் பள்ளங்கள் ஏற்றம் இறக்கம்
ஓடிடும் பாதையில் வருவதும் இயல்பே
கற்றலும் காணலும் பெற்றிடும் அனுபவம்
பற்றும் பந்தமும் கூடவே வருவது
எங்கோ தொடங்கி எங்கோ முடியும்
எதுவும் நிகழ்வது அவன் வசமில்லை
கருத்துகள் இல்லை:
கருத்துரையிடுக