நேற்று வந்த காற்றிலே நினைவுகள் கலைந்தன
ஊற்று வற்றியதா ஈரம் தொலைந்ததா நான்றியேன்
பாட்டுக் கட்டிப் பாட நான் புலவனல்ல
ஏட்டில் எழுதுவதே கவிதை யெனில் நானும் கவிஞன்தான்
கூட்டுக்குள் வாழாத சுதந்திர வான்வெளிப் பறவை
காட்டு மரங்கள் நீரோடை புள்ளினங்கள் ஓசை ஊடுருவும்
இயற்கை எனக்கு அணைபோட வேண்டாம் காட்டாற்று வழி
செயற்கை உணர்வுகள் தள்ளி வைத்தே வாழுமது
ஓடும் விளையாடும் தாவும் தத்தளிக்கும் சோகமுறும்
கேடொன்றும் நினையாது காதல் காமம் ஊடுருவும்
உள்ளம் தெளிவாகும் உணர்ச்சியின் வடிகால் ஆகும்
தெள்ளத் தெளிவோ தெரியாத பொருளோ கருத்திருக்கும் !
கருத்துகள் இல்லை:
கருத்துரையிடுக