உருவம் அற்ற பேயாய்

 வாடுது மனம் தேடுது நலம்

ஓடுது ஒளியுது உருவம் அற்றது

வந்தது சேர்ந்து உயிரைப் பறித்தது

நொந்தது வறியவர் உண்டி சுருக்குண்டு

என்றது விலகிடும் எவரும் அறியார்

வென்றது அதுவோ வேதனை அன்றோ

வருவது அறிகிலை வருத்துது உயிரினை

உருவம் அற்ற பேயாய் உலவுது

அழிவது ஓழிவது எப்படி நடக்குமோ

அடங்கி ஒடுங்கி எத்தனை நாட்கள்

முடங்கி மூலையில் மூச்சைப் பிடித்து

போதுமே ஆட்டம் போய்விடு நீயே

போர்க்களம் நீங்கி அமைதி கிட்டட்டும் !