நினைவலைகள்

உறக்கமற்ற இரவுகளில் உனது பாடல்கள் தாலாட்டுமா
உழைத்துக் களைத்து ஓயும்நேரம் உன்விரல்கள் வருடுமா
மாலைநேரத்து மங்கிய ஒளியில் தோள்சாயக் கிடைக்குமா
மயக்கும் இனிய ‌நிமிடங்களில் அணைப்பின் சுகம்தருமா
காலார நடந்து வர கைகோர்த்த விரல்கள் அழுத்துமா
காதோரம் பேசும் இரகசியங்கள் கற்கண்டாய் இனிக்குமா
தொலைதூரம் சென்றாலும் தொலையாத நினைவலைகள் தொடருமா
தொக்கி நிற்கும் கண்ணசைவில் கதைகள்பல தோன்றுமா
இதழோரம் சுவை சேர்க்க முத்தாரம் தருவாயா
இனியேனும் என்னோடு இணைந்தே எப்போதும் இருப்பாயா
காலமது் உருண்டோடி நரைதோன்றி முகச்சுருக்கம் வருமுன்னே
காதலியே வந்துவிடு காத்திருந்தே கண்கள் களைத்தனவே