விசும்பின் மழைத்துளிகள்

புவியன்னைக்கு காலை வணக்கம்
புலர்பொழுதில் புத்துணர்வு வணக்கம்
புதுமழைப் பொழிவில் கொள்ளை அழகாய்
புதுச்சேலை உடுத்திய பொலிவோடு
கண்களுக்குக் குளிர்ச்சியாய் உன்னழகு
காணக் கண்கோடி வேண்டும்
பசுமைப் போர்வையில் பரவசமாய்
விசும்பின் மழைத்துளிகள் நீர்முத்தாய்
இதுகாறும் வறண்ட உன்தோற்றம்
இப்போதே இனிதாய் இளமையாய்
எப்போதும் புன்னகைக்கும் உன்தோற்றம்
எம்மவர்க்கு உள்ளத்து உற்சாகம்
உன்னுருவம் எந்நாளும் இளமையோடு
உவகை கொண்டு இனித்திருக்க
மாதம் மும்மாரி பொழியட்டும்
ஏரிகுளம் நதியாவும் நிறையட்டும்
ஏற்றமிகு வாழ்வுதனை உன்மக்கள்
ஏர்பூட்டி பயிரிட்டு முப்போகம்
விளைவித்த நெல்மணிகள் காய்கறிகள்
உனது காலடியில் சமர்ப்பிப்போம் !