மனிதம்காத்து மற்றவை மறந்திடு

மனிதம் என்றொரு‌ நிலையுண்டு
மக்களைக் காக்க வருவதுண்டு
புயலின் சீற்றம் அழிவின்போது
புரண்டோடும் வெள்ள அபாயத்தின்போது
சாதிமதங்கள் சாக்கடை நீரிலப்போது
சாத்திர சம்பிரதாயம் இல்லையப்போது
தீண்டத் தகாதவர் எவருமில்லை
தீட்டும் இல்லை சகுனமுமில்லை
வாழ்ந்திட மட்டுமே வழிதேடு
வர்ணங்கள் ஆயிரம் எதற்கிங்கே
எத்தனை வளர்ச்சி எந்திரவேகம்
எங்கே போனது மூளைவளர்ச்சி
பித்தம் பிடித்து அலையும்மனிதா
பிறவியொன்றே பிரித்தாளுதல் விட்டுவிடு
உரக்கச் சொல்வேன் உணரந்திடு
மனிதம்காத்து மற்றவை மறந்திடு