மயக்க நிலை

ஏனோ வானிலை மாறுது
ஏதோ ஒன்று சரியில்லை
சரிவு இது தெரிகிறது
சரித்திரம் தவறாக மாறுகிறது
பார்வை தெரிந்தும் குருடனாய்
நேர்மை தொலைத்த அறிவிலியாய்
விழுந்தவன் எழவே இல்லை
வியப்பாய் செயல் எல்லாம்
சவக்குழிப் பிணங்கள் சந்தையில்
சாத்திரம் பேசித் திரிகின்றன
மயக்க நிலையில் நாட்டினர்
மருந்தொன்று இல்லை இதற்கு
ஒற்றுமை கூறு போட்டு
ஒவ்வொரு தெருமுனையில் விலைக்கு
கடவுளர் செய்வதறியாது கல்லாய்
கள்வர்கள் கடவுளாய் பீடத்தில்
பொடிவைத்த வார்த்தைகள் புரியுமா
பொருள் தெரிந்தவர் புகலுவர்‌!