சொற்களில் உண்மை

ஒற்றை ரோசாவில் காதல் சொல்வேன்
ஒன்றே குலமென்று வாதம் செய்வேன்
கற்றது கேட்டது கவிதை சொல்வேன்
பெற்றது தாயென பெருமை கொள்வேன்
பேதமை ஒழித்தவர் பெரியோரே என்பேன்
பெறுதற்கு அரிதாம் நட்பென்றே பகர்வேன்
போதனை செய்தவன் ஆசான் ஆவான்
வேதங்கள் ஓதியவன் குருவென்று கொள்வேன்
சாத்திரம் சத்தியம் காந்தியம் ஏற்பேன்
கோத்திரம் இல்லா சமுதாயம் மதிப்பேன்
சொல்லிடும் சொற்களில் உண்மை இருப்பின்
சொக்கனே நீயென வணங்கி நிற்பேன் !