தமிழ்த்தாயே

எத்திசையும் புகழ் மணக்க வந்த தமிழ்த்தாயே
புத்துயிர் பூக்கும் என்றும் உன் மொழி கேட்டு
மூப்பில்லாத உன் இளமை வியந்தோம் தொழுதோம்
மூவிலக்கியமாய் மூச்சுக் காற்றில் எம்முடன் நீ
கடலினும் ஆழம் மூழ்கி திரவியங்கள் கண்டோம்
கற்றவை கடுகளவே காலமெலாம் போதாது உனைஅறிய
என்றும் எம்நாவில் இனிமை சேர்ப்பாய் தாயே
உன்அமுது உள்வாங்கி உயிர்த் திருப்போம் யாமே