கற்பனை ஊற்று

தீந்தமிழ் மீது காதல்
திருக்குறளின் மீது காதல்
கண்களின் மீது காதல்
கலைகள் மீது காதல்
கற்பனைக் காதல்
கலவிக் காதல்
ஊடலும் உண்டு
கூடலும் உண்டு
உறவுக்கும் நண்பர்கள்
உரிமைக்கும் நண்பர்கள்
உதவிடவும் உறுதுணையாகவும்
உன்னால் தானே
கற்பனை ஊற்று
காட்டாறாய் பெருகியது
தூண்டியதில் சுகம்பெற்று
சுடர்விட்ட தீபம்
சுடுசொற்களாயும் சுட்டது
சங்கு சுட்டாலும்
வெண்மை தரும்
ஆதலால் காதலும் சொல்வோம்
கயவர் கதையும் சொல்வோம்
வேதனை சில நேரம்
வேட்கை சில நேரம்
இரவும் பகலும் போல்
இருத்தல் தவறாது !