கூடி வாழ்வோம்

நிரந்தரமாய் எதுவுமே இல்லையடா நண்பா
நிமிடத்தில் நின்றுவிடும் மூச்சே நண்பா
காசு பார்க்காதது நட்பே நண்பா
காலம் கடந்தும் கோபமேன் நண்பா
சாதி மதம் நமதில்லை நண்பா
சதையும் இரத்தமுமே நமது நண்பா
ஆறடி நிலம் மட்டுமே நண்பா
அதுவும் இப்போது சாம்பலே நண்பா
குழந்தையாய் சண்டையிட்டோம் நண்பா
குமரி பின்னால் சுற்றினோம் நண்பா
பாடித் திரிந்த பறவைகள் நண்பா
பாசறை வந்து நின்றோம் நண்பா
பாடையிலே போகின்ற நாளிலே நண்பா
பாழும் மதம் வாராது நண்பா
உள்ளத்தைக் கழுவி விடு நண்பா
உற்ற நட்பை உள்வாங்கு நண்பா
ஆடை களைந்தாலே மனிதனே நண்பா
ஆதலினால் கூடிவாழ்வோம் என்றும் நண்பா !