காத்துக் கிடக்கும் கண்கள்

பூத்துக் குலுங்கும் பூக்களுக்கு பூசை செய்
காத்துக் கிடக்கும் கண்களுக்கு கருணை செய்
பாத்துக் கிடக்கும் பார்வைக்கு பரிசு தா
நாத்து நடவையிலே பாத்த உன்னை 
நேத்து வரை காணலியே எங்கே போனே
நீ நட்ட நாத்து கூட பூத்திடுச்சு
ஏர் பூட்டி உழுத நாளும் போயாச்சு
நெல் மணி கதிரறுக்கும் நாளும் வந்திடுமே
நெஞ்சைக் குளிராக்க நீ எப்ப வருவே
பொங்கப் பானை வச்சு புத்தரிசி போட
பெண்ணே நீதானே வரணும் கழனிமேட்டுக்கு
காத்திருக்கேன் பலநாளாய் பரிதவிச்சு நானே
காலம் கடத்தாம காலையிலே வந்துசேர் !