வா நண்பா !

காலாற நடக்க கடற்கரை போவோமா
காற்று வாங்கி கதைபல பேசுவோமா
பட்டாணி சுண்டல் வேர்க்கடலை கொறிப்போமா
பழைய நினைவுகள் அசைபோட்டு பகிர்வோமா
சூடாக சுக்கு காப்பி தக்காளி சூப்
சுகமான கடல்காற்று உள்வாங்கி உறைவோமா
மச்சானோ மாமனோ உறவாடி மகிழ்வோமா
மனமெல்லாம் பஞ்சாக சிரித்து மகிழ்வோமா
போன காலமெல்லாம் போகட்டும் எஞ்சியநாட்கள்
பொல்லாத உலகமிதில் கதைபேசி கவிதைபாடி
களிப்பொன்றே வாழ்க்கையாக்கி களித்திருப்போமா
கவலைவிட்டு தினம்தினமாய் காற்றுவாங்கப் போவோமா
போதுமிந்த சக்கர வாழ்க்கை தள்ளிவைத்து
போய்விடலாம் காததூரம் கைகோர்க்க வா நண்பா !