உப்புமா சமையல்

ரவையை வறுத்து வைத்து
மல்லி மிளகாய் வெங்காயம் கருவேப்பிலை
கடுகு உளுந்து கடலைப்பருப்பு உப்பு
கடலெண்ணெய் வாணலியில் காயவைத்து 
அதில் பொரியவைத்து
நீரூற்றி உப்பை அளவோடு போட்டு 
கொதிக்கின்ற நேரமதில் வறுத்த ரவையை
அதனில் போட்டு கிளறி சிறிது நேரம்
மூடியிட்டு மூடி வைத்து கூடவே
தேங்காய் மிளகாய் மல்லி கடலை அரைத்து
உப்பு சேர்த்து தாளிதம் ஊற்றி கலந்து
வெந்த உப்புமாவோடு சட்னி கலந்து
சப்புக்கொட்டி சாப்பிட்ட நேரம் நண்பன் வர
ஹாட்பேக்கில் அவனுக்கும் கொடுக்க
அவன் சாப்பிட்டுப் போன் போட்டுப் பாராட்ட
யார் சொன்னது உப்புமா சுவையில்லை என
இத்தனையும் கலந்தாலே சுவையான விருந்தாமது