விடிவதெப்போது

கனியொன்றைக்‌ கொடுத்து சுவைக்கச்
சொன்னேன்
இனிப்பு நாவில் படுமுன்னே பறவைக்குப் பறி் 
கொடுத்தான் 
அமுதக் கலசம் தந்து பருகச் சொன்னேன்
ஆலகால விஷமாய் மாற்றி நீரில் கலந்தான்
காதுக்கு இனிமையாய் கானம் தந்தேன்
காகத்தின் குரலாய் மாற்றி நின்றான்
உயிர் மூச்சுக் காற்றைத் தந்தேன்
உதவாத நச்சுக் காற்றாய் மாற்றி விட்டான்
நல்ல வாழ்வுக்கு வழிகள் பல சொன்னேன்
நடைப் பிணமாய்ப் பாதைமாறி பரிதவித்தான்
நல்லவை வைத்து தீயவை தவிர்க்கும்
நற்குணம் மறந்தான் நசித்துப் போனான்
விழிக்க மறுத்து விட்டில் பூச்சியானான்
விடிவதெப்போது விடைகாண இயலவில்லை