வார இறுதி

ஞாயிறு வந்தாலே மனதில் ஒருசோர்வு
படுக்கை துறக்க பகலாகும்
பசியென்ற ஒன்று மறந்தே போகும்
பாதிநாள் போனபின்னே விடியும்
பழைய நினைவுகள் வட்டமிடும்
வயது கூடாமல் குறைந்துவிடும்
வாலிபம் தலை தூக்கும்
பழைய பாட்டில் பரவசமாகும்
கண்மூடி கனவு விரியும்
காலமுள் ஓடாமலிருக்கத் தோன்றும்
அடுத்த நாள் நினைவு மறக்கும்
ஓய்வு நாளாய் நீண்டிருக்கும்
மாலை வந்ததும் மாறிப்போகும்
மறுநாள் விடியல் ஓட்டம்
மறுமுறை வார இறுதிவரை