கிராமத்து விடியல்

வீணையின் நாதம் காதுகளில் ரீங்காரம்
மெல்லிய விரல்கள் நர்த்தனம் கம்பிகளூடே
குயிலின் குக்கூ ஓசை காற்றினிலே
மூங்கில் இலைகளின் நுனியில் மழைத்துளி
அசையும் இலைகளின் சலசலப்பு ஓசை
தூரத்தே ஓடும் ஆற்று நீரோசை
அன்னையைத் தேடும் கன்றின் அழைப்பு
கதிரவன் கதிர்கள் சன்னலின் இடைவெளியூடே
வீட்டின் முகப்பில் மாக்கோலம் பூசணிப்பூ
கணகணவென மணியடிக்கும் பால்காரன் மிதிவண்டி
கழுத்தில் மணிஅசைவில் காளையின் ஓட்டம்
மனத்திரையில் காட்சிகளாய் கிராமத்து விடியல்
மகிழ்வாய் மற்றொரு நாளின் தொடக்கம்