தேடுக அமைதி

வாடாதே மனமே வாழ்க்கை ஒருவட்டம்
கூடாதே தீய நட்பு பகைமை பாசாங்கு
போடாதே பொய்வேடம் பொறுப்பாய் நடந்திடு
தேடாதே பெருஞ்செல்வம் பேரழிவு அதுவேயாம்
நாடாதே தீயசொல் தீண்டாமை ஏய்த்தல்
ஓடாதே பொறுப்பைத் துறந்து எந்நாளும்
சாடாதே சரித்திரத்தை சத்தியம் தவறாதே
பாடாதே பஞ்சப்பாட்டு புகன்றிடு உண்மைதன்னை
கேடாக வந்ததெல்லாம் ஓர்நாளில் மறைந்துபோகும்
ஊடகப் பொய்களும் மாயமாய் விலகிப்போகும்
நாடக உலகம் மாறிநின்று திரைவிலகும்
தேடுக அமைதிதனை தெளிந்த உள்மனதில் !