சகோதரம்

கறை அற்ற வாழ்வு வேண்டி
இறை தொழல் நன்றே தினமும்
குறை யாவும் போக்கி குணமாகவும்
மறை கூறும் நன்னெறிகள் உதவும்
நிறைவான மனதோடு வேண்டி நிற்க
நிம்மதி நிலவிடும் நினைவினில் கொள்வீரே
உள்ளத்து உறையும் நல்வினை யாவும்
உயர்வான வாழ்வுக்கு உறுதுணை ஆகும்
கற்றலும் கேட்டலும் நல்லவை ஆகிடின்
பெற்றிடும் அமைதி மனமே பெருந்தகையோரே
வந்தவர் எல்லாம் சென்றிடும் நாளில்
வாழ்க்கைக் கணக்கில் பெருகிடும் புகழே
வாழ்வதே ஒருமுறை நடுநிலை கொள்வோம்
வாதங்கள் தவிர்த்து சகோதரம் வளர்ப்போம்