தீபாவளி

விடிந்தால் தீபாவளி விடியட்டும் நல்காலை
வெடிச்சத்தம் குறையுமுன்னே வேதனைகள் மறையட்டும்
புத்தாடை உடுத்தி தின்பண்டம் இனிக்கட்டும்
பொத்தான் இல்லாத சட்டைகளும்் புதிதாகட்டும்
நரகஅசுரன் இறந்தானோ தீவினைகள் அழிந்தனவோ
ஊரகம் வளரட்டும் ஊருணி பெருகட்டும்
தீபங்கள் வாசலெங்கும் ஒளிரட்டும் மனமகிழட்டும்
கோபங்கள் விடுத்து சொந்தங்கள் சேரட்டும்
உயரே வானவெடியின் வெளிச்சம் சிதறட்டும்
பயிரே உயிரென்ற உழவும் வளரட்டும்
இன்பம் பெருகிட இத்திரு நாளதனில்
இல்லாதோர் இல்லாத நாளொன்று வேண்டிடுவோம் !