கண்ணாமூச்சி

ஓடி விளையாட வருவாயா தோழியே
ஓயாமல் கதை பேசித் திரிவோமா
காதோரம் நீபேசும் இரகிசயங்கள் எனக்குமட்டும்
காக்கா கடிகடித்த கமர்கட்டு மிகஇனிப்பு
மாங்காய் பத்தையிலே மிளகாய்உப்பு நாக்கில்சுவை
தேங்காயில் வெல்லம் சேர்த்து உனக்கொன்று
மயிலிறகு புத்தகத்தில் எந்தப் பக்கம்
குயில்பாட்டு தோப்புநடை மறக்க முடியுமா
காதோரம் லோலாக்கு கொள்ளை அழகு்
கருங்கூந்தல் மல்லிகை வாசம் மதிமயக்கும்
எங்கே நீ போனாயடி தேடுகின்றேன்
எழுதாத காவியத்தின் நாயகியே நீதானே
ஊரெல்லாம் தேடித்தேடி ஓய்ந்து களைத்தேனே
கண்ணாமூச்சி ஆடும் வயதா இது
கடிதில் வருவாயா கண்ணோரம் நீர்த்துளிகள் !