கசடுகள் கலைந்திடு

நிரந்தரமற்றது வாழும் காலம்
நினைவில் இருத்தி வாழ்வோம்
நேற்றிருந்த நண்பன் இன்றில்லை
நாளை என்பது விடிந்தபின்னே
கூட்டைத் துறந்த உயிர்
கூற்றுவன் கணக்கின் முடிவே
தேடிய உறவை சேர்த்துவை
தேகம் அழியும் நாள்வரை
பிரிந்த பின்னே அழுதென்ன
புரிந்து இப்போதே வாழ்ந்திடு
நல்லதும் தீயதும் கணக்கிடு
நல்வினைத் தட்டு தரைதொட
உள்ளம் கசடுகள் கலைந்திடு
உண்மை இன்பம் தேடிடு
பிரிவுகள் அனைத்தும் தொலைத்திடு
பிரியும்போது சுமைகள் அவையாவும்
வாழ்ந்திடும் வாழ்வு ஒருமுறை
வன்மம் விலக்கி வாழ்வோமே !

( வகுப்புத் தோழனை இழந்து நிற்கிறோம் )