அழாதே கண்ணே

பூனையொன்று எலியைத் தேடி பரணில் பதுங்கியது
எலியோ தேங்காய் மூடி கூடைதேடி ஓடி வந்தது
நாயொன்று கீழே நின்று பூனை பார்த்து குர் என்றது
குழந்தையங்கே நாயைப் பார்த்து தவழ்ந்து வந்தது
அக்காளோ அவளின் பின்னே நடந்து வந்தாளே
எலி தேங்காய் கவ்வ பூனை அதைப் பிடிக்க
கீழே விழுந்த இரண்டையும் நோக்கி நாய் பாய
குழந்தை பயந்து பெருங்குரலில் அலறிக் கத்த
ஓடிவந்த அம்மா தாவி குழந்தையைத் தூக்கி
அழாதே கண்ணே அழாதே என்று அணைத்தாள்