மற்றதொரு தலைப்பு

இயற்கையைப் பாடியாச்சு இனிய நண்பரையும்
கயல்விழி மாதரையும் கடற்கரை நதிநீரையும்
கிராமத்து அழகையும் கிழக்குச் சூரியனையும்
கிளிக்கீச்சு மயில்அகவல் அலையோசை அருவியோசை
சுட்டெரிக்கும் வெயிலும் சுகமான மழைநீரும்
சமூக அவலங்கள் சாக்கடை அரசியலும்
சாதிமதப் பிரிவினைகள் சரித்திர நிகழ்வுகளும்
காதலுக்கு மரியாதை தாயன்பு தனிப்பெருமை
காலத்தின் மாறுதல்கள் கல்லூரி நாட்கள்
மழலைப் பேச்சு முதுமைச் சுருக்கம்
மயக்கப் புன்னகை மதி மயக்கம்
இத்தனையும் கவிதைகளாய் இதுகாறும் எழுதிவிட
இனியென்ன நானெழுத என்றதொரு எண்ணமது
மனக் கண்ணின் முன்னே வட்டமிட்டு
மற்றதொரு தலைப்புக்காய் மனம் குழம்பி
தூக்கம் தொலைத்த காலையிிலே தேடிநின்றேன் !