மரப்பாச்சி பொம்மையும் மூணு சக்கர மரவண்டியும்
வீடு முச்சூடும் களிமண் பொம்மைகளும் பாத்திரங்களும்
செம்மறியாட்டுப் பாலும் நேத்து தோயவச்ச தயிரும்
கூழ்ப் பானையில புளிச்ச தயிரோட வேர்க்கடலையும்
தேக்கு இலையில கத்தரிக்கா சாம்பாரோட சாதமும்
காட்டு மாங்கா பத்தை காரமா ஊறுகாயும்
தேங்கா புண்ணாக்கும் வெல்லமும் பொறிவிளங்கா உருண்டயும்
சிகப்பு பச்சரிசி வெல்லப் பாகு கலந்தும்
அவிச்ச வேர்க்கடலை வறுத்த கடலை கருப்பட்டி
பனமரத்து நுங்கு தென்னை இளநீர் கொடுக்காப்புளி
விரால் மீனும் பச்ச மிளகாய் உப்பும்
பச்சரிசி மாங்கா ஈச்சம்பழம் சீதாப் பழம்
கிராமத்து வாசனையே கண் முன்னே நிக்குதய்யா
சிறுவனா திரும்பிப் போக ஏதேனும் வழியுண்டா ?
கருத்துகள் இல்லை:
கருத்துரையிடுக