எப்போதும் ஏனோ கண்ணாமூச்சி
என்னோடு விளையாட இதுவாநேரம்
கண்மூடித் திறந்தாலே காண்கிலையே
கண்ணோடு நீர்த்திவலை கற்கண்டோ
உருகித் தலைசாய்த்து ஒருநாளும்
உதாசீனப் படுத்தி மறுநாளும்
உன்னைப் புரிதற்கே இயலாதோ
என்னைப் பார்க்கத் தோணலியோ
முகில் விலகியதும் நிலவுதோன்றும்
துகில் தழுவும் தென்றல் வீசும்
பகலவன் தோன்ற இருள்அகலும்
எங்கே மறைந்தாயோ நானறியேன்
எத்திசை சென்றாயோ அதனையறியேன்
பற்றும் கரம்தேடிப் பார்த்திருப்பேன்
பறந்தோடி வந்தென்னைச் சேர்வாயா ?
கருத்துகள் இல்லை:
கருத்துரையிடுக