மேகக் கூட்டம் வானமதில் சுதந்திரமாய்
மேயும் மான் காட்டினிலே சுதந்திரமாய்
மாமரத்தில் கிளிக் கூட்டம் சுதந்திரமாய்
மாடிப் புறாக்கள் கோபுரத்தில் சுதந்திரமாய்
எறும்பும் சுறுசுறுப்பாய் இங்கும் அங்கும்
குறும்புக் குரங்கோ மரம்விட்டு மரம்தாவி
மீனினமோ நீருக்குள் நீந்தியது தன்போக்கில்
தேனீக்கள் தேனுறிஞ்சி கூட்டில் சேர்க்கும்
உயிரினங்கள் அதனதன் இடங்களிலே் ஆனந்தமாய்
கயிற்றினிலே கட்டியது போல் பலநாட்கள்
வீட்டுக்குள் அடைத்து வைத்து சிரிக்கின்றாய்
வீராப்பு போதும் நுண்ணுயிரே விட்டுப்போ
என்னைக் காணாத காதலி கடல்கன்னி
துன்புற்றுக் கரையோரம் காத்திருப்பாள் போகவிடு !
கருத்துகள் இல்லை:
கருத்துரையிடுக