பறவையினம் கூடு கட்டி குஞ்சை வளர்க்கும்
பசுங்கிளியோ பழம் தேடி பறந்து செல்லும்
குட்டி முயல் சிறு பொந்தில் எட்டிப் பார்க்கும்
சிட்டுக் குருவி முற்றத் தில் திரிந்து பறக்கும்
காக்கைக் கூட்டில் குயில் முட்டை இட்டுப் போகும்
காட்டுப் பன்றி குட்டிகளோடு குட்டை தேடும்
யானைக் கூட்டம் நீரைத் தேடி வனத்தில் திரியும்
பூனை ஒன்று எலியைத் தேடி பதுங்கி நிற்கும்
புலியதுவோ மான் கூட்டம் கண்டு பதுங்கிப் பாயும்
புள்ளிமான்கள் மிரண்டோடி மறைந்து போகும்
சிங்கராசா உடலைச் சிலிர்த்து நடை பயிலும்
சிறுநரியோ இரைதேடி இரவில் திரியும்
மயிலொன்று தோகை விரித்தாடி நிற்கும்
மந்திகள் மரம்விட்டு மரம் தாவி தொங்கி நிற்கும்
இவையாவும் கண்ட பின்னே மனமே துள்ளும்
இயற்கைதான் எத்தனை அழகென்று அமைதி கொள்ளும் !
கருத்துகள் இல்லை:
கருத்துரையிடுக