அருகில் வந்தாள் உரசி நின்றாள்
அவளது விரல்களோடு எனது விரல்களும்
கண்களுக்குள் எதையோ தேடிப் பார்த்தாள்
கண்மூடி சிலநொடிகள் மௌனித்து இருந்தாள்
அழகாய்ப் புன்னகைத்து விரல் சொடுக்கினாள்
பழகிய நாட்கள் பலவென்று சொன்னாள்
புரியாத மயக்கத்தில் பார்த்து நின்றேன்
தெரியாதா நானென்று உமக்கு நகைத்தாள்
ஏனிந்தத் தயக்கம் என்னிடத்தே என்றாள்
ஏனோ எனக்கு வார்த்தைகள் வரவில்லை
அவளைக் காண்பதே சுகமாய்க் கண்டேன்
பாவமாய்ப் பார்வை படர விட்டாள்
மடிமீது தலைவைத்து முகம் நோக்கினாள்
நொடியது மாறாத நிலையில் நான்
இமைகள் திறந்த நேரமதில் அறிந்தேன்
இதுவும் இன்னொரு விடியலின் கனவென்று
கருத்துகள் இல்லை:
கருத்துரையிடுக