அந்தியிலே கைகோர்த்து உன்னோடு கடல்மணலில்
அதிகாலை அருவிக் கரையில் உன்னருகில்
பனிப்போர்வை மலைமீது குளிர்நீக்க உன்அணைப்பில்
பள்ளத்தில் ஓடுமந்த குளிர்நீரில் கரமேந்தி
புல்வெளிப் போர்வையில் முதுகில் சுமந்து
மலர்வனத்தில் புன்னகை பூக்கும் உன்முகத்தில்
மலர்ந்த முகத்தில் உதிர்க்கும் சிரிப்பில்
என்னையே நானிழந்து உன்னோடு இணைந்த
எத்தனை தருணங்கள் எங்கேயவை தேடிநின்றேன்
இளமை திரும்பாதோ இனிய நாட்களும்தான்
முதுமை என்றதொரு பருவம் வேண்டாமே !
கருத்துகள் இல்லை:
கருத்துரையிடுக