ஆணிவேராய் ஆழமாய்ச் சில உறவுகள்
ஆலமர விழுதுகளாய்ச் சில உறவுகள்
தாமரை இலைநீராய்ச் சில உறவுகள்
தாலாட்டிப் பாலூட்டும் தாய்மை உறவுகள்
பயணப் பாதையில் முடியும் உறவுகள்
கல்விச் சாலையிலே சேர்ந்த உறவுகள்
காதல் மணம் சேரும் உறவுகள்
குலவிக் கலப்பதால் உதிர உறவுகள்
குடும்ப விளக்கேற்ற துணையாய் உறவுகள்
கணக்கில்லா உறவிருந்தும் தனக்கில்லை இதுவென்று
சுணக்கம் கொள்ளும் நாளொன்று வருவதேன்
சக்கரச் சுழற்சியில் தனிவழிப் பாதையுண்டு
சிக்காதோர் அதனில் பெரியோர் ஆவார் !
கருத்துகள் இல்லை:
கருத்துரையிடுக