பேச்சு பேச்சா தான் இருக்கு

ஆத்து வெள்ளம் வீணாப்போது 
அணை கட்டு ஐயா
ஏரு பூட்டி உழறதுக்கு
ஏத்த உதவி செய்யுமய்யா
ஏரி குளம் தூர்வாரி
எங்க ஊருலே தண்ணி தேக்கு
நெல்லுக்கும் கரும்புக்கும் நீர்பாய்ச்சுனா
நீயும் நானும் முப்போகம்
விளைய வச்சு விவசாயம் செழிக்குமய்யா
ரோடு போடு குண்டு குழி மறை
நகரத்துலே ஆங்காங்கே பாலம் கட்டு
முடிக்காத பாலமே ஏராளமா இருக்கு
இதுக்குள்ளே எட்டு வழிச்சாலை எதுக்கு
எத்தனையோ வேல இருக்க
இதுக்கு மட்டும் அவசரமோ !
மல்லையா கோடி வருசம் பலவாச்சு
மத்தவங்க கோடி சுவிச் வங்கியிலே
கருப்பு பணம் சேரந்துகிட்டே இருக்கு
புது நோட்டு வந்தாலும.
உம்ம ஆளே பதுக்கறான்
பேச்சு பேச்சா தான் இருக்கு
சொன்னதைச் செய்யுமய்யா
கார்ப்பரேட்டுங்க மட்டும் இல்ல
கிராமங்களும் கொஞ்சம் கவனி
சொன்ன வார்த்தை காப்பாத்து !