மனக் கசடு

மீண்டும் மீண்டும் சொல்வேன்
மத மொழி சாதியற்ற
மக்களே என் உறவினர்
மண்ணில் மாச்சர்யம் எதற்கு
இன்றிருப்போர் நாளைஇல்லை
இங்கிருக்கும் எதுவும் உனதில்லை
இயன்றவரை இல்லார்க்கு உதவு
இழிவாக எவரையும் எண்ணாதே
இறை பெயரால் இழிசெயல்
வர்ணவேற்றுமை தீண்டாமை
அறவே அழித்து விடு
அறம் வளரப் பாடுபடு
நாட்டுக்கும் நகருக்கும் நன்மைசெய்
நல்லதோர் தலைவனை தேர்வுசெய்
மனக் கசடுகளை கழுவிடு
மக்கள் அனைவரும் உற்றோரே
மாயக் கண்ணாடியைக் கழட்டு
இனியேனும் இவ்வுலகம் அமைதியுறும்
மாறுமாறவிடு இல்லையேல் மரித்துப்போ !