புரட்சி

என் நாட்டுக்கு என்னென்ன வேண்டும்
வறியவர் வயிற்றுப்பசி போக்கிட வளமை வேண்டும்
வயிறார அவர் உண்ண உணவு வேண்டும்
வயலுக்கு நீர் பாய்ச்ச ஊர்தோறும்
ஏரி குளங்கள் ஆறு வேண்டும்
அணைகள் ஆங்காங் கே அமைய வேண்டும்
ஊர்தோறும் சாலை ஊர்திகள் வேண்டும்
காடுகள் கழனிகள் கால்வாய்கள் வேண்டும்
ஊருக்கு ஒன்றாய் உண்மைத் தலைவர் வேண்டும்
உழைத்தே அனைவரும் உண்ணல் வேண்டும்
எம்மதமும் சம்மதமாய் எம்மொழியும் தன் மொழியாய்
ஏற்றிடும் உள்ளம் எல்லோர்க்கும் வேண்டும்
ஓட்டு அரசியலன்றி ஊருக்காய் அரசு வேண்டும்
இத்தனை மாற்றமும் இன்றைய தேவை
இதுதான் புரட்சியென்றால் இப் போதே வேண்டும் !