மனம் காற்றினும் விரைவாக ஓடப் பார்க் கிறது
தினம் மாதமாய் வருடமாய் மாறத் தோன்றுகிறது
காலம் கனிய ஒவ்வொன்றாய் கடந்தாக வேண்டும்
ஞாலம் விதிகளை வகுத்தே வைத்து இருக்கிறது
பத்து மாதம். சுமந்த பின்பே குழந்தை
முத்து சிற்பியில் உருவாக நாட்கள் தேவை
நேரம் நமக்காக இல்லை அதற்காக நாம்
தூரம் காதமாயினும் பறவை கடந்து வரும்
ஆமைகள் கூட கடலில் மிதந்து கரைசேரும்
ஆக்கப் பொறுத்த மனது ஆறப் பொறுப்பதில்லை
கனியும் வரை காத்திருப்பதே சுவை சேர்க்கும்
இனியும் மனமே ஓடாதே உணர்ந்து செயல்படு
கருத்துகள் இல்லை:
கருத்துரையிடுக