நினைவுகள் வளரும்

 நேற்றோடு போனாயே இருளுக்குள் மேகமாய்

காற்றோடு கரைந்து கடலுக்குள் புகுந்தாயோ

ஆற்றோடு மணலாய் கலந்து போனாயோ

சேற்றோடு சேர்ந்து தாமரையாய் மலர்ந்தாயோ

நாற்றாக மனதில் நினைவுகள் வளரும்

ஊற்றாக உறவிது நீரோடை விரியும்

வற்றாத நதியாய் சுழன்று செல்லும்

பற்றாத கரங்கள் பயனற்றுப் போகும்

கற்றதே உனக்காய் கவிதைகள் வடித்திட

சுற்றமே நட்பே சுகந்தானே சொல்

பற்றற்ற வாழ்க்கை பயனில்லை காண்பாய்

முற்றத்தில் அமர்ந்து முழுநிலவைப் பார்த்தேன்

முகமது அதனில் முறுவலிக்கக் கண்டேன்

முற்றும் இரவுக்கு முன்வந்து சேர்ந்திடு