ஆடுகள் மந்தையில் ஒன்று சேர்ந்து
ஆட்டம் இப்போது ஆடும் நேரமிது
கோமாளிக் கூட்டம் கும்மாளம் போடுது
கோவேறிக் கழுதைகள் சுமைகளைத் தாங்குது
ஊமைகள் உலகில் எத்தர்கள் ஆட்டம்
ஆமைகள் புகுந்து நாட்கள் ஆயிற்று
கொல்லைப் புரத்தில் நுழைந்த திருடர்கள்
கொண்டு போவது தெரியாத மூடர்கள்
முற்புரத்தில் தெருக்கூத்தைப் பார்த்துச் சிரித்தனர்
சொந்த வீடு தீப்பற்றியது தெரியாமல்
சொற்ப மூளையும் களவு போனது
இரவு முடிந்து விடியும் வேளை
இல்லாது போகும் இல்லம் அங்கு
விட்டில் பூச்சிகள் விளக்கில் மயங்கின
ஏட்டில் எழுதியா மயக்கம் நீங்கும் ?
கருத்துகள் இல்லை:
கருத்துரையிடுக