சிறுவயதாய் உருமாறி பட்டம் விடுவோமா
சில்லென்ற மழையில் சிரித்து மகிழ்வோமா
பம்பரம் கோலிக்குண்டு கில்லி எதுவேண்டும்
பக்கத்து தோட்டத்தில் பச்சரிசி மாங்காய்
பறிக்கப் போவோமா காவலுக்கு யாருமில்லை
பகலென்ன இரவென்ன கால்களுக்கு ஓய்வில்லை
அகல்விளக்கு வெளிச்சத்தில் அரையாண்டுத் தேர்வுக்கு
அவசரமாய் மனப்பாடம் அத்தனையும் கண்முன்னே
காசுக்கு கமர்கட் கடலை மிட்டாய்
காலணா தேநீரில் ஊறவைத்த பட்டர்பிஸ்கட்
கால்கடுக்க நின்றேனும் கடைசிக் காட்சி
வாலொன்று இல்லையென வாத்தியார் கிண்டல்
தெருவெங்கும் சொந்தம்தான் கொண்டாட்டம் எப்போதும்
பருவத்தில் தோழியவள் அருகாமை ஆனந்தம்
அசைபோட்டுப் பார்த்த மனம் அடுக்கடுக்காய்
அந்தநாட்கள் வந்திடுமா மீண்டும் ஒருமுறை
கருத்துகள் இல்லை:
கருத்துரையிடுக