உறவை வளர்த்திடு

உனதும் எனதும் சிவப்பே இரத்தம்
உண்மை சொல்லும் நேரம் இதுவே
ஆரியம் திராவிடம் படைத்தது எவரோ
ஆண்டான் அடிமை தீண்டாமை யாரால்
மூட நம்பிக்கை தலைச்சவரம் எவராலே
மூதேவி ஆனாளே துணையை இழந்து
சாதிப் பிரிவுகள் சண்டைகள் எதற்காக
சரித்திரம் கொடுமைகளை மறந்து விட்டதோ
அடங்கிய சமுதாயம் ஆர்ப்பரித்து எழுந்தது
அதனால் தானே மாற்றமும் வந்தது
மனிதனாய் இருக்க பழகிக் கொள்
மதங்கள் போதிப்பவை நல்ல கருத்தே
மானிடன் நீயே மாற்றி எழுதினாய்
மாய்ந்தது போதும் மயக்கம் தெளிந்திடு
உலகம் உனக்கு மட்டுமல்ல அவனதும்
உறவை வளர்த்திடு வாழு வாழவிடு