கொட்டம் அடங்கும்

விட்டுவிடு நண்பா விடியல் நிகழும்
சுட்டுவிடும் நெருப்பு தொட்டே உணர்ந்திடுவார்
நட்டு விட்ட நாற்று மரமாகும்
கெட்ட பாலும் திரிந்தே போகும்
எட்ட நின்றுபார் எல்லாம் விளங்கும்
கெட்டாலும் மேன்மக்கள் மேன்மக்களே அறிவோம்
வட்டம் வாழ்க்கை சுற்றிவந்து நிற்கும்
கொட்டம் அடங்கும் கொக்கரிப்பு நிற்கும்
திட்டம் போட்டு திருடும் கூட்டம்
விட்டில் பூச்சியாய் விளக்கில் கருகும்
நாட்டில் நல்லவை நடக்க வேண்டுமெனில்
சாட்டை கொண்டே தண்டிக்க வேண்டும்
ஓட்டை விழுந்த கப்பலைப் பழுதுபார்
கோட்டை ஒருநாள் உன்வசம் சேரும்