சுமையிறக்கி வைத்துவிடு

பேசுவது எதுவாயினும் பேதமை பார்ப்பதேனோ
பேருக்கு இருப்பதே மதமும் மற்றவையும்
ஊருக்கு ஒன்றாக உருவானது யாராலே
பாருக்குப் பொறுப்பான செயலே அவசியம்
பிறந்த போதில் நெஞ்சிலே வஞ்சமில்லை
இறக்கும் போதும் எவையுமே உனதில்லை
வாழுகின்ற நாட்களிவே வக்கணைப் பேச்செதற்கு
பாழும் மனவெறியை குழிதோண்டிப் புதைப்பாயே
அமைதியான உள்ளங்கள் ஆண்டவனின் உறைவிடம்
சுமையிறக்கி வைத்துவிடு சுத்தமான மனதோடு
சகோதரம் பழகு சமாதானம் நிலவும்
சாதிக்கப் பலவுண்டு மேதினியில் நண்பா !