குழந்தை

குழந்தையாய் மாறிஇன்று கள்ளமில்லாம சிரிக்கணும்
குற்றமற்ற மனமோடு கலகலன்னு சிரிக்கணும்
மழலையிலே கொஞ்சி மடிமீது உக்காரணும்
மம்மிடாடி விட்டு அம்மாஅப்பா சொல்லணும்
ரைம்ஸ் போலவே ஆத்திச்சூடி படிக்கணும்
ரயில் வண்டி ஓடிப்பிடிச்சு விளையாடணும்
பக்கத்து வீட்டு பாப்பாவோட விளையாடணும்
பம்பரம் விடும் அண்ணணோட ஆடணும்
தத்தி நடைபோட்டு தெருவுலே வலம்வரணும்
தங்கச்சி பாப்பாவ பத்திரமா பாத்துக்கணும்
நேரமாச்சுனா பசிக்கு பால ஊட்டணும்
நாளைக்கு நான் வாரேன் வேலயிருக்கு இப்ப !