எனக்கொரு காதலி

எனக்கொரு காதலி இருக்கின்றாள்
என்னோடு நகையாடி இருக்கின்றாள்
எப்போதும் நிழலாய் என்னுள்ளே
எனக்காய் பிறந்தவள் இன்னுயிரானவள்
கருத்தாய் கரிசனமாய் இருப்பாளவள்
கரம்கோர்த்து கதைபேசி என்னோடிருப்பாள்
காதோரம் காதலுடன் கதைத்திடுவாள்
களுக்கென்ற அவள்சிரிப்பு தேனமுதாம்
நானும் அவளும் உடலும் உயிருமாய்
அவள் பாட்டைக் கேட்டு உறங்கிடுவேன்
அவளின்றி ஓரிரவும் இருந்ததில்லை
சுகமான வாழ்க்கை என்றென்றும்
கற்பனைதான் ஆனாலும் கற்கண்டாய் !