சுகமே

காலைக்கதிரவன் ஒளியூடே
கடற்கரைநடை சுகமே
அருவிச் சாரலில் ஆனந்தமாய் 
அமர்ந்திருத்தல் சுகமே
உயர்ந்த மரங்களின் சருகுகள் 
சத்தமிட கானக நடை சுகமே
மேகக்கூட்டம் உடல்தழுவ 
மலைமுகடுகள் சுகமே
நதிநீர் ஓட நாமதில் 
நின்றிடல் சுகமே
ஆர்ப்பரிக்கும் அலைகள் 
கால்கள் தழுவ கடல்நீர் சுகமே
வானம் கருத்து மழைநீர் 
நனைதல் சுகமே
மெல்லியளாள் கைகோர்த்து 
வேகமற்ற நடை சுகமே
தென்றல் உடல்தழுவ 
தெம்மாங்குப் பாட்டிசை சுகமே
பசுமை நெல்வயலில்
வரப்புமேல் நடை சுகமே
இயற்கை நமக்களித்த இன்பம்
இவையாவும் சுகமே !