ஊருக்கு நல்லதே செய்ய வந்த தலைவன் எங்கே
போருக்குப் போனாலும் புறமுதுகு காணாத தலைவன் எங்கே
பாருக்கே தலைமை என்ற வீரர்கள் வாழ்வது எங்கே
போராடிப் பெற்ற சுதந்திரம் நசிந்திடுமோ என்பதேன்
ஊர்கூடித் தேர்வது நல்லதொரு தலைவன் உண்மை தானே
உன்மத்தம் ஆணவம் இறுமாப்பு தலைக்கனம் கொண்டவர் உயர்வதோ
உன்புத்தி தீட்டு உத்தமர் தேடி வாக்கைப் பதிவிடு
இம்முறை தோற்பின் காலனின் சுவடுகள் நாட்டினில் நடமாடும்
நம்மைத் தேற்றிட நாதியற்றுப் போவோம் உண்மை வாக்கிது
சிந்திக்க நேரம் சிறிதே உண்டு உரிமை உமதே
நந்திகள் விலகி நர்த்தகன் நடனம் கண்டு களிக்க !